Kryeministri i Kosovës, Isa Mustafa, ka përkujtuar Heroin e Kosovës, Luan Haradinaj, me rastin e 19 vjetorit të rënies heroike.

Zyra për media e kryeministrit Mustafa ka dërguar një komunikatë me anë të së cilës përcillet mesazhi i kryeministrit Mustafa.

Në mesazhin e kryeministrit Isa Mustafa thuhet:

Nëntëmbëdhjetë vjet më parë, në një ndër betejat e para të UÇK-së, pas një rezistence epike, ra heroikisht luftëtari i brezit të parë të luftës çlirimtare, Luan Haradinaj.

Luan Haradinaj dhe luftëtarët e tjerë të lirisë vendosën gurthemelin e shtetit të Kosovës, i cili ditë pas dite po arrin suksese të gjithanshme.

Republika e Kosovës do t’i përkujtojë dhe do të krenohet përjetësisht me Luanin dhe bashkëluftëtarët e tij.

Sakrifica tyre na obligon që të punojmë me përkushtim në jetësimin e aspiratave të qytetarëve për Kosovën shtet sovran dhe të pavarur, të integruar në strukturat euroatlantike dhe në miqësi të vazhdueshme me partnerët ndërkombëtarë, në krye me SHBA-të.

Zoti e bekoftë Luan Haradinajn,

Zoti e bekoftë Republikën e Kosovës.