Një burrë nga Teksasi i Shteteve të Bashkuara, është lëshuar me shpejtësi në topogan, por nuk ia ka dalë të zë kthesën dhe ka përfunduar përjashta.

Për pasojë, David Salmon e ka thyer dorën, disa brinjë si dhe ka marrë prerje dhe gërvishtje të shumta, pasi ka rënë në një vend shumë të thepisur, transmeton Telegrafi.

Në videon e publikuar, shihet duke provuar të ngadalësojë por e ka të pamundur dhe përfundon jashtë.

Mësohet se ekipet e emergjencës, kanë pasur vështirësi derisa e kanë nxjerrë nga vendi ku ishte.

“Lajmi i mirë është se nuk kam nevojë për operim, ndërsa tobogani ishte çmenduri”, ka shkruar ai në Facebook, duke treguar se është mirë dhe po shërohet. /Telegrafi/