Pamje shokuese janë shfaqur në internet, ku shihet një fëmijë në Kinë duke u hedhur në ajër, derisa së bashku me disa nxënës ishin mbledhur në oborrin e shkollës për të luajtur.
Kjo ngjarje e tmerrshme ka ndodhur dje, në shkollën fillore Yuanquan në qytetin Guazhoi, transmeton Telegrafi.
Vajza nëntë vjeçe e quajtur Li Jiaqi është dërguar me urgjencë në spital, dhe për fat ka shpëtuar me vetëm disa lëndime të lehta trupore.
Por ishte moti i keq që shkaktoi erëra të forta, duke hedhur në ajër xhaketat dhe çantat e nxënësve.
Nxënësit u detyruan të largohen duke kërkuar vendstrehim, derisa tornadoja goditi vendin ku ishin duke luajtur.
Madje disa prej tyre në video mund të shihen se si shtrihen në tokë, duke shpresuar se nuk do të fluturojnë në ajër sikur shoqja e tyre. /Telegrafi/
