Qytetarë të shumtë janë ankuar sot lidhur me gjendjen e rrugëve dhe autostradave në vend.

Mos-pastrimi i borës dhe ngricat që kanë mbuluar rrugët shkaktuan vështirës në kalueshmërinë e shumë pjesëmarrësve në trafik.

Lidhur me këtë Indeksonline ka kontaktuar ministrin e Infrastrukturës dhe Transportit, Lumir Abdixhiku.

Abdixhiku ka paralajmëruar se secila kompani e kontraktuar që nuk ka qenë në krye të detyrës do të mbajë përgjegjësi për këtë gjendje.

“Sot në ora 10:00 do t’i takojë menaxherët rajonal të Ministrisë. Secila kompani e kontraktuar që nuk ka qenë në krye të detyrës do të mbajë përgjegjësi”, tha shkurt Abdixhiku.

Ndryshe gjendja e rrugëve dhe autostradave pas reshjeve të borës ishte sfida e parë me të cilën u përballë ministri Abdixhiku në marrjen e detyrës së re në krye të ministrisë së Infrastrukturës dhe Transportit.

Reshjet e borës janë vazhdimisht aktive, kësisoj edhe e bën më vështirë përcjelljen e gjithë kësaj gjendje.

Indeksonline mëngjesin e sotëm ka raportuar për disa ankesa të qytetarëve në pjesë të ndryshme të vendit, po që ministri tashmë ka paralajmëruar gatishmërinë për t’u marrë drejtpërdrejtë me gjithë këtë situatë