Gjendja shëndetësore e dukeshës Kate Middleton po mban në ankth familjen mbretërore dhe të gjithë Mbretërinë e Bashkuar, pasi flitet se shtatzënia e dytë e saj mund të jetë në rrezik.

Daily Mail raporton se gruaja e princit William vjell shumë herë në ditë dhe ka humbur shumë në peshë, duke bërë që mjekët të shqetësohen për ecurinë e shtatzënisë.

Edhe kur ishte në pritje të djalit të saj George, Kate pati probleme gjatë tremujorit të parë dhe u detyrua të qëndronte për disa javë në spital. Por, fatmirësisht gjithçka shkoi mirë dhe tashmë George gëzon shëndet të plotë.

Mirëpo, këtë herë gjendja e saj është shumë më e rëndë. Mësohet se dukesha ka anuluar të gjitha aktivitetet zyrtare dhe po qëndron në shtëpinë e prindërve të saj në Bucklebury, ku mund të jetë më e qetë. /BW/Telegrafi/