Zyrtarët kufitarë në Spanjë, kanë publikuar rastet më të pazakonshme dhe të habitshme që kanë shfrytëzuar emigrantët për të kaluar kufirin.

Të futur në pjesë të ndryshme të veturës, në karrige, apo edhe brenda cisternës së derivateve, këta emigrantë janë nxjerrë duke marrë frymë me vështirësi dhe të helmuar me gazra, transmeton Telegrafi.

Javën e kaluar, zyrtarët kufitarë e kanë nxjerrë një 29-vjeçar, të lidhur poshtë gepekut të veturës.

Atë e kanë dërguar menjëherë në spital, sepse kishte vështirësi të mëdha në frymëmarrje, ndërsa nuk e kishte vetëdijen normale.

Dyshohet se shumë njerëz kanë vdekur, teksa janë transportuar në këtë formë. /Telegrafi/