Futbollisti kontrovers nuk është i panjohur me gjërat negative, e kësaj radhe i japi një vulë sjelljeve të tij, kur doli nga vetura dhe i dha një shpullë gazetarit.
Legjenda argjentinase ishte së bashku me të dashurën e tij Veronica Ojeda, në qytetin e lindjes për të parë një shfaqje në teatër.
Pasi është ndaluar nga gazetarët për një prononcim, burri 53 vjeç ka dhënë përgjigjet dhe ka mbyllur më pas xhamin e veturës.
Inati i Diego Maradonës është ngjallur më pas dhe ka dalë nga vetura duke shkuar drejtë e tek gazetari.
“Pse po ngatërrohesh me gruan time, kur unë nuk ngatërrohem me ty” i ka thënë gazetarit, kapiteni që fitoi Kampionatin Botëror të Futbollit më 1986.
Ky incident është bërë krye lajm në Argjentinë, pasi gjithçka është regjistruar nga kamerat./Telegrafi/