Pas një pauze katër vjeçare, reality-show, BigBrother u rikthye por tani në një format tjetër me personazhe të njohura ‘VIP’. Natën e parë u prezantuan 14 banorë, numër ky që mund të rritet apo zvogëlohet nga eliminimet apo hyrjet nga java në javë. Banori i vetëm që është larguar deri më tani nga shtëpia është Elhaid Cufi, pasi Ardit Cuni kishte një biletë kthyese në kutin e tij natën kur u largua nga shtëpia.

Teksa mbrëmë në shtëpi hyrën tri banore të reja, Sarah Berisha ishte prej tyre e cila në videon prezantuese kishte thënë se kishte pëlqim për Donaldin.

Kujtojmë se para disa ditësh, Donaldi u takua pas tetë muajsh me ish të dashurën e tij, Bora Zemanin, ku shkëmbyen edhe puthje.

Përveç, Sarës në shtëpi kanë hyrë edhe Beatrix Ramosaj dhe Einxhel Shkira.

* BIG Brother VIP Albania mund ta ndiqni ekskluzivisht në platformën IPKO, në dy kanale HD të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.