Autoritete në Romë i kanë mbyllur rrugët rreth lumit Tiber, si pasojë e shumë aksidenteve me vetura dhe motoçikleta.

Reshjet e shumta të shiut në ditët e fundit, kanë bërë që jashtëqitjet e zogjve që kanë mbetur në degë dhe në gjethe, të bien në asfalt.

Në këtë kohë, jashtëqitjet e zogjve përmbajnë shumë yndyrë, sepse në atë hapësira ka shumë ullishte, që i kanë dhënë frytet e tyre, transmeton Telegrafi.

Për pasojë asfalti është bërë shumë i rrëshqitshëm, duke shkaktuar edhe rrëshqitjen e kalimtarëve.

Për këtë arsye, është kërkuar mbyllja e rrugëve, deri në pastrimin gjeneral të tyre. /Telegrafi/