Disa persona të panjohur kanë bërë disa mbishkrime në muret e shkollës fillore në Lipjan “Braca Aksic”.
Në këto grafite është shkruar “UÇK”, siç raporton programi i RTK-së në gjuhën serbe.
Drejtori i kësaj shkolle, Bratislav Djedoviq, ka thënë se këto grafite i kanë shkruar disa nxënës shqiptarë.
E pas kësaj ka reaguar menjëherë Marko Gjuriq, shef i të ashtuquajturës Zyra për Kosovën në qeverinë e Serbisë, duke kërkuar që ‘Prishtina të ndalë provokimet’, shkruan Tanjug, transmeton Gazeta Express.
Ai i ka bërë thirrje komunitetit ndërkombëtar që të marrë masa të menjëhershme që Prishtina të ndalë këto provokime që, sipas tij, do ta destabilizojnë regjionin. /GazetaExpress/
