Kënga ‘Luv Luv’, që interpretohet nga reperi Mc. Kresha, ka arritur që t’i grumbullojë mbi 4 milionë shikime në kanalin ‘Youtube’. Këtë gjë e ka bërë të ditur menaxheri i faqes së labelit ‘PINT’ në rrjetin social ‘Twitter’. “4Million views MC Kresha – Luv Luv @ShemsiKreshta”, ishte shkrimi i postuar në këtë faqe.

Ndër të tjera, para disa kohësh reperi për gazetën Tribuna ka treguar se ka realizuar klipin e njërës nga këngët e albumit të tij të fundit, klip ky i cili pritet që të lansohet shumë shpejt dhe vjen pas dy sukseseve që rep artisti i ka pasur gjatë verës së kaluar.