Qytetarët dhe kompanitë nga 1 gushti i këtij viti, gjatë kërkesës së shërbimeve nga administrata, nuk do të kenë nevojë të shëtiten nga sporteli në sportel, për sjellje dokumentesh e dëshmishë, përveç atyre që shteti nuk i ka në evidencën e tyre, transmeton Telegrafi Maqedoni.

Këtë punë duhet ta kryejnë shërbyesit administrativ, të cilët e kanë për obligim t’i sigurojnë ato dokumente, brenda tre ditësh.

Kjo çështje është e parashikuar në Ligjin e ri për procedura të përgjithshme administrative. Sipas ministres për shoqëri informatike dhe administratë, Mara Arsovska – Tomovska, nga qytetarët dhe kompanitë do të kërkohen vetëm dëshmi të cilat janë të karrakterit personal, siç janë vërtetime mjekësore, marrëveshje për shitblerje, qeramarje, elaborate ndërtimtarie.

Nuk do të kërkohen vërtetime, certifikata, vendime, licenca, leje, që janë në evidencat e ministrive, organeve shtetërore, personat fizik dhe juridik me angazhime publike, si edhe komunat