Në mesin e shumë veshjeve dhe leckave që janë gjetur në një var masiv në Egjipt, është edhe ky petk i bardhë.

Në fillim nuk është menduar të ketë ndonjë veçanti, por matjet me radiokarbon, kanë treguar se është punuar dhe bartur në një kohë shumë të lashtë, transmeton Telegrafi.

Petku me jakë në formë të shkronjës V që ka mëngë të gjata, është më i vjetri i regjistruar ndonjëherë, që besohet të jetë 5100 deri në 5500 vjet i vjetër.

Hulumtuesit në Universitetin e Oxfordit, kanë thënë se petku i ashtuquajtur ‘Tarkhan’ ka qenë veshje e përditshme, e jo për ceremoni të ndryshme.

Nuk bëhet e ditur nëse i përkiste popullatës së zakonshme, apo elitës së shoqërisë. /Telegrafi/