Kuvendi i Komunës, sot nën udhëheqjen e kryesuesit Daut Azemi ka zhvilluar punimet e seancës së katërmbëdhjetë me radhë, në të cilën janë shqyrtuar pikat e rendit të ditës të cilat ishin të propozuara për këtë mbledhje.
Në fillim të kësaj seance këshilltarët komunal, kanë vazhduar me një mori pyetjesh për ekzekutivin komunal, ku edhe në të njëjtën kohë kanë marrë përgjegjje nga vetë Kryetari, Imri Ahmeti dhe nga drejtorët përkatës.
Në punimet e kësaj seance janë prezantuar raporti i përformancës së Komunës së Lipjanit për vitin 2018 dhe raportit vjetor i Sektorit për Përsonel.
Po ashtu Kuvendi është infomruar për adresimin e rekomandimeve të Zyrës Kombëtare të Auditimit (ZKAP) dhe Plani i implementimit të rekomandimeve të Auditorit të Brendshëm si dhe Kompania e Ujësjellsit Rajonal “Prishtina”-NjOU- Lipjan ka dhënë një informatë mbi gjendjen e furnizimit me ujë të pijes në zonën e shërbimit të Komunës së Lipjanit.
Gjatë kësaj seance është miratuar edhe Vendimi për Planin e Integritetit 2018-2020, propozim Vendimi për këmbimin e pronës së paluajtshme komunale, Propozim Vendimi për plotësimin dhe ndryshimin e vendimit 12 NR.464-2935 të datës 03.06.2013 si dhe Propozim Vendimi për dhënien e pëlqimit për ndarjen e mjeteve financiare Bashkësisë Islame në Lipjan