Një shpikës britanik ka ndërtuar një “kostum”, me anë të së cilit ai thotë se mund të “fluturoni” disa qindra milje në orë, në lartësi të mëdha.

Siç shkruajnë mediat e huaja, përcjell Telegrafi, kostumi, i projektuar nga sipërmarrësi Richard Browning, lejon pilotin që të “fluturojë” vertikalisht.

Bëhet e ditur se teknologjia kombinon disa motorë miniaturë të aeroplanëve me një kostum special.

Browning, 38, një ish-rezervist i Marinës Mbretërore, zhvilloi kostumin në garazhin e tij në Salisbury gjatë 10 muajve të fundit. Ai e ka quajtur atë sipas figurës mitologjike greke Daedalus.

Sipërmarrësi ka publikuar një video në YouTube ku tregon testimin e tij në fusha, fabrika dhe parkingje të veturave. /Telegrafi/