Kryetari i Komunës, Imri Ahmeti, ka nënshkruar kontratë bashkëpunimi me Organizatën Helvetas, projekti DEMOS për mbështetjen e zyrës Pronësoro- Juridike në Komunën e Lipjanit rreth verifikimit të pronave të paluajtshme komunale në territorin e Komunës.
Dardan Maliqi, përfaqësues nga programi DEMOS, ka falenderuar Kryetarin Ahmeti për punën e shkelqyer të Komunës së Lipjanit, në projektet e përbashkëta me DEMOS, duke theksuar se edhe me këtë projekt DEMOS-i do të ndihmon Komunën e Lipjanit me 7, 200.00 e cila shumë do të kompensohet tek 8 anketues të jashtëm për një periudhë tremujore.
Ky projekt ka për qëllim të ndihmoj në kompletimin e listës së pronave/pasurive të paluajtshme të Komunës që janë pjesë e regjistrit kadastral të Komunës, në mënyrë të menaxhimit më të mirë të pasurive komunale dhe plotësimit e nevojave të qytetarëve dhe bizneseve.
Kryetari Ahmeti, ka falenderuar organizaten HELVETAS për mbështjen e vazhdueshme që po i ofrojnë Komunës së Lipjanit dhe në të njejtën kohë ai ka shprehur gadishmërinë institucionale për çdo projekt të përbashkët në të ardhmen.