13 nëntor 2014- Nën kujdesin e kryetarit të Komunës së Lipjanit, Imri Ahmeti, dhe në bashkëpunim me Drejtoratet për Arsim, Shëndetësi dhe Kulturë, sot zyrtarisht ka filluar implementimi i projektit “ Dhëmbë të Shëndoshë, fëmijë të lumtur” në Institucionin Parashkollor publik në Lipjan.

Drejtori i Drejtorisë së Arsimit, Rasim Hasani, ka thënë se qëllimi i këtij projekti është vetëdijesimi i fëmijëve për pastërtinë e dhëmbëve dhe kujdesi i tyre shëndetësor. Po ashtu, drejtori Hasani, ka thënë se projekti është mirëpritur në komunën e Lipjanit, dhe përveç implementimit të tij në institucionin parafillor, do të vazhdoi edhe në institucionet e arsimit fillor.

Xheladin Ujkani- ideator dhe udhëheqës i projektit “Dhëmbë të shëndoshë, fëmijë të lumtur”, ka thënë se, projekti është i fokusuar në edukimin e fëmijëve dhe nxënësve të cikleve të ulëta mësimore, fëmijëve parashkollor dhe arsimit fillor, mbi rëndësinë e shëndetit oral.

Ndërsa nxënësit dhe të pranishmit patën rastin që nga afër të informohen me ushqimet e shëndetshme dhe të dëmshme për dhëmbët