Forcat e Policisë dhe ato të RENEA-s (Reparti i Eliminimit dhe Neutralizimit të Elementëve të Armatosur) meritojnë një vëmendje të veçantë për punën heroike që po bëjnë në një fshat rebel dhe famëkeq që i ka nxjerrë bojën Shqipërisë në botë.
Sigurisht në Lazarat ka edhe njerëz të mirë, por këtu po flasim për bandat e armatosura dhe trafikantët e lëndëve narkotike.
Është i disati aksion që forcat e rendit po kryejnë në luftën e tyre pa kompromis me krimin dhe keqbërësit, duke rrezikuar jetën e tyre për të mbrojtur tonë, nën rrebeshin e plumbave të disa fodullëve të marrë.
Edhe më të vështirë emocionalisht për blutë këtë aksion e bën fakti se ata kanë humbur një shok të tyre, ndërkohë që dy të tjerë ndodhen të plagosur në spital.
Ata meritojnë të gjithë inkurajimin e popullit shqiptar sot që ta çojnë deri në fund misionin për ta mposhtur një herë e mirë të keqen. (Mapo)
