Deputeti i Kuvendit të Kosovës dhe njëri nga biznesmenët më të mëdhenj në Kosovë, Ramiz Kelmendi, në Info Magazine të Klan Kosovës duke folur për nënshkrimin e Marrëveshjes për Stabilizim dhe Asocim nga Kosova dhe implikimet ekonomike, e ka lavdëruar dokumentin.
Kelmendi tha se kjo marrëveshje, megjithëse është asimetrike për nga raporti mes palëve, i jep Kosovës një varg përparësishë, njofton Klan Kosova.
“Nënshkrimi i MSA-së është një arritje e rëndësishme e qeverive të Kosovës. Mundësitë janë asimetrike, por mundësitë janë të mira për shkëmbime tregtare, ekonomike dhe intelektuale”.
“Një rëndësi që e ka MSA-ja është ndikimi i vendeve të regjionit, ku mundësohet heqja e doganës dhe produktet që vijnë prej vendeve të BE-së, mund të shiten me çmime më të lira dhe produktet shteteve të regjionit do të bien dukshëm. Kështu i bie ndikimi edhe shtetit fqinj, Serbisë”, tha Kelmendi.