Analisti dhe gazetari Adriatik Kelmendi, ka thënë se vendi gjendet pranë një moment të rëndësishëm por edhe shumë të përshtatshëm për daljen në skenë të një partie të re politike.

Kelmendi i ftuar në emisionin InfoBox të RTV Dukagjinit, ka komentuar lëvizjet e deputetit Ilir Deda, që është larguar nga Vetëvendosje, derisa ka folur edhe për mundësin e përfshirjes së fytyrave të reja në këtë lëvizje.

Kelmendi ka komentuar edhe përçarjet e fundit të opozitës ndërsa ka kritikuar formën që ata kanë zgjedhur për të protestuar me gazë lotsjellës e koktej molotovi.

Ai ka thënë se opozita është dashur të zgjedh forma tjera të veprimeve pasi në këtë mënyrë sipas tij do të kishte gjasa më të mëdha për të arritur qëllimin për ta quar vendin në zgjedhje.