Një prostitutë në Australi ka rrëfyer jetën e saj në një libër. Gwyneth Montenegro thotë se ka fjetur me mbi 10 mijë meshkuj, që të jemi të saktë, me 10.091. Në kulmin e karrierës së saj, ajo paguhej nga 500 deri në 1000 dollarë në orë si prostitutë e klasit të lartë. Jeta e saj ka qenë e mbushur me drogë, alkool dhe origji.
Ajo thotë se ka fluturuar në destinacione ekzotike për të bërë punën e saj. Por pavarësisht kohës që ka kaluar, 36- vjeçarja thotë se nëse do kthehej pas, nuk do e bënte sërish këtë gjë. Ajo tregon në libër se si e kanë përdhunuar në grup kur ishte 18 vjeç, se si nisi të kërcente mbi tavolina kur ishte 19 vjeç dhe kur mbushi 21 vjeç u bë prostitutë.
Ajo rrëfen se si lindi e u rrit në një familje krishterësh të devotshëm dhe se si donte ta ruante veten për mashkullin e duhur. Por pas përdhunimit gjithçka ndryshoi. Ajo thotë se klientët e saj kanë qenë politikanë, muzikantë, avokatë, etj. Edhe pse ka fituar shumë, ajo ka shpenzuar miliona për makina e rroba të shtrenjta.
“Përfundova duke marrë kokainë. Ishte një stil jetese me kokainë, shpejtësi dhe shampanjë franceze,” thotë ajo. Tani ajo thotë se ka hequr dorë dhe ka nisur një biznes të sajin, larg jetës së shthurur.
