Me anë të teknikës 3D dhe duke u bazuar në fosilet e gjetura, është rikrijuar kafsha e çuditshme që ishte kombinim mes gjirafës, drerit dhe elefantit.
Kushëriri i lashtë i gjirafës së sotme ka jetuar rreth 100 milionë vite më parë, ndërsa kishte një trup shumë të çuditshëm në krahasim me kafshët e asaj kohe.
Sivatherium giganteum, një specia që ka evoluar ndryshe nga gjirafat e sotme, ka pasur bri masiv, fytyrë të rrafshët, këmbë të shkurtra e të trasha dhe – për dallim nga kushërinjtë e saj modernë – qafë të shkurtë, transmeton Telegrafi.
Kjo kafshë ka jetuar në Indinë e sotme, ndërsa besohet se ishte ripërtypësi më i madh që ka jetuar ndonjëherë.
Fosilet e kësaj kafshe janë gjetur 200 vite më parë, duke befasuar shkencëtarët, të cilët nuk besonin se i përkisnin një kafshe të vetme.
Ky sisor është besuar të ketë pamjen e drerit, por madhësinë e elefantit, mundësisht kushëri i rinoqerontit apo antilopës.
Rikrijimi në fotografinë tre dimenzionale, duke u bazuar në 26 fosile, është gjetur se bëhet fjalë për një kafshë të veçantë, që kishte ‘morfologji bizare’.
Sipas ekspertëve, kjo kafshë ngjason më së shumti me gjirafën, por që ishte shumë e madhe, teksa kishte brirë si të drerit. /Telegrafi/