Jahjaga thirrje autoriteteve përgjegjëse që ta gjejnë vrasësin e Diana Kastratit

 Gjykata Themelore në Prizren ka marrë vendim që shteti t’i paguaj dëmshpërblim familes së të ndjerës, Diana Kastrati, e vrarë para disa vitësh nga ish-bashkëshorti i saj.

Ish-Presidentja e Kosovës, Atifete Jahjaga ka mirëpritur këtë vendim, derisa, u ka bërë thirrje autoriteteve që të gjejnë vrasësin e Dianës dhe ta ekstradojnë atë në Kosovë, transmeton Indeksonline.

E SPONZORIZUAR

“Gjykata Themelore në Prizren paska korrigjuar gabimin e Gjykatës Themelore në Prishtinë me vendimin që shteti t’i paguajë dëmshpërblim familjes të së ndjerës, Diana Kastrati, për shkak të neglizhimit të rastit të saj. Mirëpres këtë vendim dhe u bëjë thirrje autoriteteve përgjegjëse që, në bashkëpunim me mekanizmat ndërkombëtar, ta gjejnë vrasësin e Dianës dhe ta ekstradojnë atë në Kosovë për të marrë dënimin e merituar.

Shpresoj se për rastet e raportuara të dhunës në familje dhe dhunës ndaj grave, institucionet e drejtësisë të mos kenë nevojë ta korrigjojnë njëri-tjetrin, por të veprojnë me kohe!
Mbrojtja nga dhuna është e drejtë bazike e secilit qytetar të Kosovës dhe duhet të garantohet si e tillë”, ka shkruar mes të tjerash ajo në facebook./Indeksonline