28 nëntor 2014- Drejtoria për Kulturë Rini dhe Sport, nën patronatin e Kryetarit të Komunës së Lipjanit, Imri Ahmeti, për nderë të 28 nëntorit, Ditës së Flamurit Kombëtarë dhe 102 vjetorit të shpalljes së Pavarësisë së Shqipërisë, organizoi koncert festiv.
Përveç shumë aktivitete të organizuara për nderë të festave të nëntorit, sot në Qendrën Kulturore “ Tahir Sinani” në Lipjan, është mbajtur një koncert artistik dhe kulturor.
Kryetari i Komunës së Lipjanit, Imri Ahmeti, ka uruar të pranishmit , me rastin e festave të nëntorit.
“ Urime 102 vjetori i pavarësisë së shtetit shqiptar, dita e flamurit, dalja publike e Ushtrisë Çlirimtare Kosovës, ditëlindja e komandantit legjendar Adem Jashari” është shprehur kryetari Ahmeti, duke shtuar se kjo ditë shënon në historinë e popullit shqiptar rilindje.
Po ashtu, ai ka theksuar se heronjtë dhe dëshmorët janë simbol i vetë lirisë.
Ndërkaq, nën organizimin e Drejtorisë për Kulturë, Rini dhe Sport të Komunës së Lipjanit, u shfaq një program i pasur kulturor e artistik.
Ansambli i shoqërive kulturore artistike të komunës së Lipjanit- AKV- Lipjani, si dhe nxënësit e shkollës Fillore të Mesme të Ulët “ Vëllezërit Frashëri” dhe nxënësit e shkollës “Ismail Luma” në Lipjan, me paraqitjen e tyre, shfaqen program jashtëzakonisht të pasur.
Pas pjesës së dytë të programit, kryetari Ahmeti, ndau mirënjohje për Ansamblin e Këngëve dhe Valleve, AKV -Lipjani,për paraqitjen e tyre.
Ndërsa në fund, përformuan edhe këngëtarë nga estrada kosovare, grupi “ Ilirët” dhe këngëtarja Ganimete Abazi.
