Në shtator të këtij viti, Apple zbuloi modelet e saj ikonike të telefonave, përkatësisht modelet iPhone 6 dhe iPhone 6 Plus. Të dyja modelet e reja u shfaqën në treg me një ekran më të madh në krahasim me paraardhësit e tyre, me ekranet prej 4.7” dhe 5.5”, respektivisht.
Sipas një raporti të ri thuhet se versioni më i vogël i telefonit të Apple, iPhone 6 është shitur shumë më mirë se fableti iPhone 6 Plus, por ky i fundit ende ka një pjesë të konsiderueshme të tregut të iPhone.
Një raport i publikuar nga Consumer Intelligence Research Partners ka vlerësuar se iPhone 6 është shitur pothuajse tri herë më mirë se sa fableti i madh – iPhone 6 Plus.
Analisti Steven Milunovich i UBS sugjeron se iPhone 6 zotëron 68 për qind të shitjeve të, ndërsa fableti i Apple llogaritet se merr vetëm 23-24 për qind të shitjes së përgjithshme.
Mirëpo si të kombinuar, iPhone 6 dhe iPhone 6 Plus përbëjnë pothuajse 91 për qind të shitjeve totale të iPhone për katër javët e para të disponueshmërisë, ndërsa pjesa tjetër është marrë nga modelet e vitit të kaluar, iPhone 5S dhe iPhone 5C. (Telegrafi)
