Dëmet e shkaktuara nga rreshjet e dendura të shiut në rajonin e Dollnenit kanë bërë që ky rajon të vizitohet nga zv. ministri për bujqësi, pylltari dhe ujra, Vanço Kostadinovski, transmeton Telegrafi Maqedoni.
Gjatë vizitës së tij, do të inspektohen dëmet e shkaktuara nga moti i lig në këtë komunë.Sipas vlerësimit preliminar të Komisionit komunal për vlerësim të dëmeve nga moti i lig, janë vërshuar mbi 300 hektarë grur dhe duhan dhe rreth 30 shtëpi.
Më të goditura nga përmbytjet janë fshatrat Lazhani dhe Debreshti, kurse dëme ka edhe në Zhitoshë, Sekircë dhe Koshinë. Qytetarët e kësaj komune mund t’i paraqesin dëmet në komisionin komunal.
