Kryetari i Komunës së Lipjanit, Imri Ahmeti i shoqëruar me drejtorin e Arsimit në Lipjan, Rasim Hasanin, gjatë ditës së sotme kanë vizituar shkollën fillore të mesme të ulët “Dy dëshmorët”, në fshatin Dobrajë.
Në këtë rast, kreu komunal, ka përcjell nga afër punimet e rregullimit të kulmit të kësaj shkolle i cili para disa ditësh ishte dëmtuar nga erërat e forta.
Po ashtu kryetari Ahmeti, gjatë qendrimit në Dobrajë është interesuar edhe për gjendjen e shkollës si dhe ecurinë e punimeve në sallëne e sportit, duke thënë se edhe këtë vit Komuna e Lipjanit prioritet e ka përmirësimin e gjendjes nëpër shkolla, dhe shumë shpejt edhe shkolla e Dobrajes do të ketë investime në instalimin e nxemjes dhe rregullimin e dyshemeve në klasa.
Ndërkaq, nxënësit dhe personeli i shkollës, kanë falënderuar, kryetarin Ahmeti, për lehtësirat që po ju krijohen nga ana e Komunës, njofton Komuna.