Një mësuese arti 8-muajshe shtatzënë u ndalua të hyjë në një klub nate, me pretekstin se ajo nuk kishte veshur taka të larta.
Abby Ashcroft, 28 vjeç, dhe nëntë vajza të tjera, të cilat ishin të gjitha në listën e të ftuarve, u munduan të sqaronin se gruas shtatzënë nuk i lejohet të veshë taka të larta.
Por një vajzë, anëtare e stafit të lokalit, duke i ndaluar hyrjen 28-vjeçares, i tha se kur ajo ishte shtatzënë, ishte në gjendje të vishte taka.
Ashcroft, e cila është e martuar dhe ka një vajzë dy-vjeçare, e quajti punonjësen ‘arrogante’ dhe tha se ishte ndjerë e diskriminuar që ishte shtatzënë. Ajo shtoi:
“Unë jam e mërzitur dhe kam qarë. Kjo grua më mërziti mua. Unë nuk jam një njeri emocional, por kjo më tronditi. Unë u ndjeva e viktimizuar. Ne ishim të gjitha të matura dhe të veshura mirë. Kjo nuk ka kuptim”.