Nëse keni menduar se Google nuk mund të rritej më shumë sesa është tani, duhet të mendoni sërish. Kjo, pasi që Google ka plane të reja dhe shumë ambicioze të cilat i ka zbuluar dje gjatë ditës.

Gjiganti i teknologjisë ka njoftuar se është duke krijuar një kompani tjetër të madhe të quajtur Alphabet, pjesë e së cilës do të jetë edhe vetë Google.

Bashkë-themeluesi i Google, Larry Page shkroi në një post që Alphabet do të mundësojë që ata të përqëndrohen në “mundësitë e jashtëzakonshme”, mbase për kompaninë dhe për njerëzimin.

Dy shembuj që ai i ka përmendur si veprimtari të kompanisë së re përfshijnë të ndjerit e glukozës përmes lenteve të kontaktit dhe anti-plakja. (Telegrafi)