Gjiganti i kërkimeve Google ju ka dhënë mundësinë përdoruesve të vet që të njihen me vendin ku themeluesit e saj kishin filluar punën.

Sipas mediave të huaja, përcjell Telegrafi, në nder të ditëlindjes së 20-të të kompanisë, gjiganti i kërkimit publikoi “një turne” përmes Google Street View në garazhin në California, ku e gjitha filloi në vitin 1998.

Firma e regjistroi me kujdes hapësirën deri në çdo detaj të fundit – dhe përfshinte një dhomë të fshehtë të mbushur me relike klasike të Google.

Garazhi që shërbeu si selia e parë e Google ishte në pronësi të askujt tjetër përveç drejtorit ekzekutiv të YouTube, Susan Wojcicki.

Ishte aty vendi në të cilin bashkë-themeluesit e Google, Sergey Brin dhe Larry Page vendosën themelet për atë që më vonë do të bëhej një nga “krijesat kryesore” të Silicon Valley.

“Për të festuar ditëlindjen e 20-të të Google, sot ju ftojmë të udhëtoni prapa në kohë dhe të bëni një shëtitje virtuale përmes Google Garage origjinale në Street View – (pothuajse) ashtu siç ishte 20 vjet më parë”, shkruante firma në një postim.

Pas ecjes nëpër derën e garazhit, përdoruesit janë “përshëndetur” nga një dhomë paksa e çrregullt në të cilën mund të shihni një monitor ‘CRT’.

Gjithashtu, ka një sërë tavolinash me kompjuterë të shkollave të vjetër.

“Ndërsa ekipi u rrit në gjashtë vetë, ata zgjeruan hapësirën e tyre të punës në tre dhoma gjumi të vogla në katin përdhes”, vuri në dukje Google.

Në mesin e artefakteve të Google, përdoruesit mund të gjejnë, ndër tjerash edhe një dinosaur, një tavolinë ping-pongu dhe një tastierë pianoje.

Një tjetër tabelë tregon versione të ndryshme të logos tani të kudogjendur të Google, ndërsa një triko me emrin e Brinit në pjesën e pasme është e vendosur mbi një karrige. /Telegrafi/