Andy, 31 vjeç, gjen jashtë lokalit ku kishte darkuar një unazë të çmuar prej më shumë se 70 mijë eurosh, por vendos të bëjë gjënë e duhur, të paktën sipas asaj që ka menduar ai.

Ngjarja ka ndodhur në Londër. Ashtu siç shkruan “Mail Online”, djali ka lëshuar një fushatë në profilin e tij në “Facebook” për të gjetur pronaren e objektit me vlerë.

Apeli social, ka pasur një fund të ëmbël, me historinë që u mbyll ashtu siç duhej. E zonja e unazës është një zonjë, e cila ka dëshmuar se xhevahiri i çmuar i përkiste asaj, duke treguar madje edhe dokumentin e siguracionit.

“Gjyshja është shumë e lumtur”, – pohon Andy, i lumtur që ka çuar deri në fund një punë shumë të mirë, përcjell gsh.

“Dikur edhe unë kam humbur celularin dhe e gjeta përmes rrjeteve sociale. Nëse bën mirë, të kthehet gjithnjë në të njëjtën monedhë”, – thekson djaloshi.