Isuf Gashi është pjesëtari i radhës i Ushtrisë Çlirimtare të Kosovës, i cili për dy ditë me radhë është intervistuar nga Gjykata Speciale.

Pas përmbylljes së intervistimit, Gashi ka thënë për gazetarëve se lufta e UÇK-së ka qenë e drejtë dhe luftë për çlirim.

“Jemi ballafaquar në atë formën më të mirë dhe më të fuqishme me realitetin edhe ju kom thanë që UCK-ja ka bërë luftë për çlirim. Krimet i ka bërë Serbia, me Millosheviçin në krye, dhe kemi pasur debate të gjata, prej orës 0900 pa dalur hiç”, ka thënë Gashi, transmeton Telegrafi.

Ai ka bërë të ditur se është intervsituar në cilësinë e të dyshuarit.

“Kanë me kalu edhe këto sfida, pasi është Gjykatë e padrejtë. Mirëpo fuqia të mposht, përndryshe unë jam kanë tri vjet në Gjykatën Ndërkombëtare, në vitin 2004, 2005 dhe 2006. Jam 73 vjeç dhe apet po duhet mu ballafaqu”, përfundoi Isuf Gashi.

Ndryshe sot ftesë nga Specialja, ka marrë edhe deputeti i AAK-së, Blerim Kuçi. /Telegrafi/