Kosova po vazhdon të prezantohet jashtë vendit me fusnotë, edhe pse zyrtarët qeveritarë patën deklaruar para tre vjetësh se marrëveshja për përdorimin e fusnotës për Kosovën nuk paraqet problem për vendin sepse kjo fusnotë do të shkrihet shumë shpejt.

Madje po ndodh e kundërta, përdorimi i fusnotës tani ka filluar t’i pengojë edhe vetë institucionet e Kosovës, të cilat po refuzojnë të marrin pjesë në konferenca ndërkombëtare. Në disa organizime të fundit Kosova është paraqitur me asterisk (fusnotë), shkruan ‘Zëri’.

E fundit ka ndodhur gjatë kësaj jave kur Qeveria e Kosovës e ka refuzuar në momentin e fundit pjesëmarrjen në një konferencë rajonale për çështje të pushtetit lokal të organizuar nga OSBE-ja, në Budva të Malit të Zi.

Në këtë konferencë ishte paraparë të merrte pjesë edhe kryetarja e Komunës së Gjakovës, Mimoza Kusari-Lila. /Zëri/