Me kërkesë të qeverisë shqiptare dhe me vendim të Presidentit të Republikës së Kosovës zotit Hashim Thaqi, me urdhër të komandantit të FSK-së gjenerallejtënant Rrahman Ramës, sot është nisur një grup i ekspertëve të Forcës së Sigurisë së Kosovës, për vlerësimin e shkallës së dëmtimit të banesave dhe objekteve tjera nga dëmtimet e termeteve që kanë goditur Shqipërinë këto ditë, shkruan Ministria e Mbrojtjes e Republikës së Kosovës

Ky kontigjent është vazhdimësi e misionit të Njësive të specializuara të Gardës Kombëtare të FSK-së, që nga momentet e para pas goditjeve të tërmetit shkatërrues në Shqipëri ju kanë bashkuar operacioneve të kërkim-shpëtimit.