Njëri nga modelet e iPhone 6 pritet të prezantohet nga Apple gjatë vjeshtës, kështu që kompania ka nisur me procesin e prodhimit të kësaj pajisje. Meqë kompania parashikon që iPhone 6 do të ketë shumë sukses dhe do të kërkohet shumë nga klientët, ajo po planifikon të krijojë një sasi të madhe njësish që t’i përballojë të gjitha kërkesat. Për këtë, ajo ka vendosur të marrë punëtorë të rinj në bordin e saj, që do ta ndihmojnë në prodhimin e iPhone 6.

Sipas një raporti të publikuar nga DigiTimes, kompania Foxconn thuhet se do të prodhojë të dyja versionet e ekraneve 5.5 inç dhe 4.7 inç të iPhone 6. Kompania, me bazë në Kinë, do të mbulojë 70% të shitjeve të versionit me ekran 4.7 inç. Pjesa tjetër e mbetur, 30%, do të mbulohet nga kompania Pegatron.

Ecnomic News Daily raporton se Foxconn do të punësojë 100 mijë punëtorë të rinj për të mbuluar kërkesën shtesë për fuqi punëtore. Ndërsa Pegatron thuhet se do të shtojë stafin e saj me 30%. Zakonisht, kur nis procesi i prodhimit të një pajisje të re të gjitha kompanitë teknologjike marrin punëtorë të rinj në bordin e tyre, por numri i punonjësve që kompania Foxconn po planifikon të punësojë i kalon të gjitha rekordet.

Foxconn do të fillojë me prodhimin e modelit 4.7 inç të iPhone 6 në muajin korrik, ndërsa për modelin tjetër më të madh, 5.5 inç, procesi i prodhimit do të nisë në muajin gusht./Ferizaipress.com/ LipjaniNews/