Ish-kryetari i LDK’së Fatmir Sejdiu thotë se kjo parti është kapur nga Isa Mustafa. Tha se veprime të tilla degjeneruese kanë nis në katër vjetët e fundit.
“Faktikisht po del se ajo ekip e njerëzve në këtë rast bashkë me kryetarin e partisë z.Mustafa kanë kap LDK’në në një mënyrë jashtëzakonisht të një shënjestre të madhe e cila pamundëson thjesht shprehjen e identitetit të saj në mënyrën më të mirë të mundshme dhe kjo ka një gjenezë ka një diçka që realisht e shohim prej katër viteve të fundit”, tha Sejdiu në emisionin ‘Zona B’ në Klan Kosova.
Sejdiu tha se mënyra se si është zgjedhur Mustafa në karrigen e të parit të LDK’së nuk i bën nder atij.
Tha se ai e ka marrë mandatin në një mënyrë të kontestueshme.
Kryetari i nderit i LDK’së thotë se LDK ka mund ta ketë edhe më parë pozitën e Kryeministrit dhe se nuk lejohen lavdërimet e tilla nga ana e Mustafës. Tha se kryeministria u mor me gënjeshtra./Rajonipress.com./
