Disa familje që kanë nevojë ndihmën e shtetit nuk po e marrin atë në Mitrovicë. Kjo pasi u instalua një databazë për të dhënat e shfrytëzuesve të skemës sociale, por që Komuna ende nuk ka qasje në të.

Besim Peci nga Shipoli i Mitrovicës, është njëri nga të dëmtuarit, transmeton Klan Kosova.

Sigurimin e miellit, deri para tre muajsh, Peci e bënte me 65 eurot që i merrte si ndihmë sociale.

Tashti nuk po i merr dhe rrezikon të mos i marrë as për festën e Bajramit, pasi lënda e tij i është bllokuar lënda në Ministrinë e Punës dhe Mirëqenies Sociale. E, kjo pritje për Besim Pecin është drejt kufirit.

“Nëse vazhdon kjo situatë deri në Bajram, unë e di çfarë do të bëj, nuk do të largohem pos i vdekur”, tha Peci. /Klan Kosova/