Rrjeti social në internet “Facebook” pagoi përfundimisht 22 miliardë dollarë për të blerë aplikacionin e mesazheve në celular “WhatsApp”, blerja u mbyll sot. “Facebook”-u shpalli në mes të shkurtit blerjen e “WhatsApp”-it për një çmim që në atë kohë ishte rreth 19 miliardë dollarë.
Madje parashikonte që pjesën më të madhe të kësaj shume ta paguante me aksionet e veta, dhe bursa për këto të fundit u rrit ndjeshëm që pas ksaj deklarate, rreth 14 për qind.
Përfundimisht, “Facebook”-u pagoi 4,59 miliardë dollarë kesh për “WhatsApp”-in, të cilave i shtohen 223,7 milionë aksione (që kapin vlerën e 17,3 miliardë dollarë). Përfudimisht, çmimi përfundimtar arrin 21,9 miliardë dollarë.
“Facebook”-u mori të premten autorizimin e fundit formal që i mungonte për përfundimin e operacionit, që ishte ajo e Komisionit Evropian, gardiani i konkurencës në Evropë, që nuk imponoi asnjë kusht.
Autoritetet amerikane të konkurencës nga ana e tyre autorizuan këtë veprim më prill, por duke paralajmëruar kundër çdolloj përdorimi “të keq” të të dhënave personale të përdoruesve të “WhatsApp”-it, që deri tani ka një nivel më të lartë të mbrojtjes së të dhënave personale se sa “Facebook”-u.