Në përpjekje për të garuar me rivalët e saj direkt sikurse Twitter dhe Google për kërkimet e lajmeve në kohë reale, Facebook këtë fundjavë ka njoftuar se motori i saj i kërkimit i integruar në rrjetin social tani do të përfshijë më shumë se 2 trilionë postime brenda Facebook.

Me këtë, rrjeti social synon që ta bëjë më të lehtë kërkimit e lajmeve në kohë reale derisa ato ndodhin.

Kërkimet në Facebook do të përfshijnë postimet publike nga të gjithë njerëzit dhe faqet, dhe jo vetëm nga njerëzit dhe faqet me të cilët ju jeni të lidhur.

Motori i kërkimit në Facebook tani do të ofrojë mundësinë e shpërndarjes së më shumë lajmeve nga gjithë bota, dhe t’ua mundësojë njerëzve që të gjejnë lajmet që ata i kërkojnë në kohë reale. (Telegrafi)