Është shënuar sot dita kundër kancerit të gjirit në komunën e Lipjanit, e cila mbahet në kuadër të muajit tetor, e që konsiderohet muaji ndërkombëtar kundër kancerit të gjirit.
Me rastin e kësaj dite e cila më tepër është ditë sensibilizuese për parandalimin e kësaj sëmundje, Drejtoria e Shëndetësisë dhe e Mirëqenies Sociale, së bashku me Drejtorin e QKMF-së, dhe organizatën “ Jeta Vita” ndihmuan në aspektin e Diagnostifikimit të kësaj sëmundje.
Drejtori i Shëndetësisë dhe Mirëqenies Sociale- Abdullah Fazliu, tha se, fushata kundër kancerit të gjirit, në komunën e Lipjanit u shënua me shumë aktivitete: “ Furnizimi me mamograf dhe ECHO aparat, kësaj radhe me rastin e sensibilizimit të komunitetit për luftën kundër kancerit të gjirit, kemi zhvilluar një sërë aktivitetesh, kemi mbajtur ligjëratë me staf mjekësor dhe qytetare të Komunës sonë, lidhur me identifikimin e hershëm të shenjave të kancerit të gjirit , dhe demonstrimin e teknikave të vetë kontrollimit të femrave. Mamografi dhe ECHO të gjirit falas për dhjetë (10) qytetare tona të planifikuara paraprakisht në bashkëpunim edhe me Drejtorin e DSHPS-së, si dhe kemi shpërndarë materiale (fletëpalosje), dhe shenja e solidarizimit me të prekurat nga kanceri i gjirit”, ka thënë ai.
