Kryebashkiaku i Tiranës, Erion Veliaj, ka rezultuar pozitiv në testin për COVID-19.
Velijaj ka bërë të ditur lajmin, ndërsa ka thënë se është në gjendje të mirë shëndetësore dhe se nga sot do të vazhdojë punën nga shtëpia.
“Miq, pas testit më njoftuan se dola pozitiv nga covid-19. Jam në gjendje të mirë shëndetësore, ashtu si edhe familja ime. Por, nga sot do të vazhdoj të punoj me të njëjtin përkushtim për Tiranën nga shtëpia”, ka shkruar Veliaj.
Ai ka bërë thirrje që të respektohen masat për të mos përhapur infeksionin.
“Askush prej nesh nuk është imun ndaj këtij virusi, ndaj JU LUTEM ë mos harroni të lani duart sa më shpesh dhe mbani maskë për të mbrojtur sa më shumë veten dhe familjarët tuaj!
Lus më të mirën për familjet tuaja! Shëndet e dashuri të gjithëve dhe mirënjohje e thellë mjekëve heronj! Do shihemi sërish!”, ka shkruar ai./Zëri