Ish- kryetari i Gjykatës Kushtetuese, Enver Hasani ka dhënë një koment të tij për demarkacionin me Malin e Zi.

Ai në një shënim në Facebook ka thënë se ky proces nuk është punë gjeografie dhe gjeodezie, por rregullohet me ligje ndërkombëtare.

Lexojeni të plotë postimin e Hasanit:

“Caktimi i kufijve të Kosovës është kryesisht çështje e ligjit ndërkombëtar.

Caktimi i kufijve të Kosovës nuk është punë gjeografie dhe gjeodezie, por një problem kryekput i ligjit ndërkombetar. Kjo është kështu sipas praktikës ndërkombetare të trasuar që nge dekolonizimi i Amerikes Latine, fitimi i pavarësise së vendeve të Afrikes dhe shpërberja e federatave komuniste pas mbarimit të Luftës së Ftohet. Marreveshja për Delimitim, jo gjendja kadastrale dubioze, duhet të jetë pika nisëse me rastin e caktimit të kufirit kosovar në çdo sektor të tij. Kjo me Malin e Zi është vetëm maja e Ajsbergut e asaj që pritet të ndodhë me sektorin qinda kilometersh të kufirit Kosove-Serbi…..!

Më gjerësishtë rreth kësaj teme do të flasim me 25 prill 2016 në një seminar për kufijt e Kosovës që organizohet në Fakultetin Juridik të Universitetit të Prishtinës” (sic), ka shkruar Hasani.