Një prej këngëtareve më të mira shqiptare, Elvana Gjata, është në përfundim të projektit të saj të ri.

Telegrafi mëson nga burime të sigurta se Elvana ka përfunduar këngën e saj të re, që natyrisht është punuar në ThreeDots nga producenti dhe këngëtari, Flori Mumajesi.

Ky projekt u mendua të lansohej si befasi për publikun, pa i zbuluar detajet.

Telegrafi po ashtu mëson se videoklipi është përfunduar dhe atë e ka punuar Max Production, me regjisor Bledi Kalivacin, i njëjti produksion që ka punuar në projektin e Dafina Zeqirit së fundmi i cili është fshirë nga YouTube.

Kaci është përkujdesur për flokët e Elvanës, bashkpunim i të cilëve ka kohë që po zhvillohet.

Ky projekt i ri i Elvanës do të vijë para një kampanje promocionale për AlbTelecom dhe një vere të suksesshme me këngën “Puthe”, që arriti të futet në top 10 të këngëve më të klikuara të kësaj vere. /Telegrafi/