Pas një mungese të gjatë nga skena muzikore, ajo po i kthehet fansave me një këngë të re.
Bëhet fjalë për Eliza Hoxhën, e cila ka vendosur të sjellë një projekt të ri.
Kështu së paku ka lënë të kuptohet kompozitori Florent Boshnjaku përmes një mesazhi të postuar në Instagram, transmeton Telegrafi.
“Diçka po zihet”, ka shkruar ndër të tjerash përbri fotografisë së publikuar Boshnjaku, ku shihet përkrah këngëtares, e cila ka kohë që i ka munguar skenës muzikore.
Mbetet të shihet se për çfarë projekti bëhet fjalë, por dihet se Eliza ka sjell hite, të cilat për kohë të gjatë kanë qenë në top-listat tona.
Ndryshe, Eliza aktualisht është profesoreshë në Fakultetin e Arkitekturës të Universitetit të Prishtinës. /Telegrafi/