Interneti në gjithë botën do të ndërpritet për 24 orë brenda vitit 2017, ka parashikuar një ekspert i sigurisë.

James Carder, një shitës i sigurisë teknologjike në LogRhythm, ka thënë se në vitin e ardhshëm, “World Wide Web” do të pësojë një goditje të rëndë.

“Në vitin 2017, do të shohim një goditje të madhe dikur, diku. Nëse interneti bie, tregjet financiare do të fundosen”, ka thënë Carder për Business Insider.

Facebooku ka qenë vazhdimisht në shënjestër të hakerëve që përpiqen ta rrëzojnë

“Vetëm pak muaj më parë, pamë një goditje (mohim të shpërndarjes së shërbimit) ndaj DynDNS. Goditja DDoS rrëzoi faqe, si Twitter dhe Spotify për disa orë. Goditja e ngjashme DDoS e preku Brian Krebs pak para sulmit ndaj Dyn – këto në fakt ishin vetëm testime”.

“Nëse mund ta dëshmosh se mund të rrëzosh faqe të mëdha dhe një pjesë ta madhe të internetit në SHBA për disa orë, një ndërprerje 24 orëshe duket shumë e lehtë për t’u bërë?”, ka shtuar eksperti, transmeton Telegrafi.

Twitter nuk funksionoi për disa orë

Kompanitë tjera që janë hakuar në mënyrë të ngjashme gjatë këtij viti janë edhe Facebook, Netflix dhe një numër i madh i faqeve të internetit.

Parashikimet e tij vijnë pikërisht në kohën kur ka kulmuar lufta kibernetike ndërmjet SHBA-ve dhe Rusisë. Hakerët që punojnë për Vladimir Putinin janë akuzuar nga autoritetet amerikane se kanë ndikuar në zgjedhjen e Donald Trumpit për president. /Telegrafi/