Kryeministri i Shqipërisë, Edi Rama, sot do të zhvillojë disa takime në Bruksel.
Sipas TCh, Rama do të jetë i shoqëruar nga Ministrja e Punëve të Jashtme, Olta Xhaçka. Ata fillimisht do të takohen me Josep Borrel, ministër i BE për Punë të Jashtme, transmeton Klan Kosova.
Në agjendë parashikohet edhe një takim me Ursula von der Leyen presidente e Komisionit Europian.
Ecuria e progresit të Shqipërisë për integrimin në BE, sikurse ecuria e përdorimit të fondeve të BE për rindërtim pas tërmetit janë dy prej çështjeve në diskutim.
Kjo vizitë e kryeministrit ne Bruksel vjen pas disa qëndrimeve kritike nga Rama në adresë të BE-së për mënyrën e padrejtë të shpërndarjes së vaksinës antiCOVID nga BE dhe lënien në harresë të Ballkanit Perëndimor.
