Edhe në këto çaste qytetarët e Kosovës ia kanë mësyrë migrimit. Në autobusin e linjës së rregullt Prishtinë – Bujanoc, dy familje me fëmijë ia kishin mësyrë rrugës së migrimit.

Në pikëkalimin kufitar te Dheu i Bardhë, Policia e Kosovës përveç kontrolleve të rregullta, nuk është parë që ka marrë ndonjë masë shtesë.

Ndërkaq masat e sigurisë ishin shtuar në kufirin e Serbisë.

Policët serb kërkuan nga udhëtarët që të tregojnë se cili ishte destinacioni i tyre, në mënyrë që më pas, t’iu lëshohet një letër që mund të shkoj më larg se Bujanoci për ata që ia mësyjnë Evropës, shkruan zeri.info.

Këto familje edhe pse treguan se për ku janë nisur nuk e patën asnjë problem të kalojnë kufirin.

E për shkak të këtyre familjeve që ia kishin mësyrë Evropës, të gjithë udhëtarët e tjerë që ishin në këtë linjë të rregullt të autobusit, u detyruan që të presin rreth dy orë te “Dheu i Bardhë”. /Zëri/