Modelja e famshme shqiptare në Amerikë, Vildane Zeneli, përveç modelimit me sa duket është bërë gati të depërtojë edhe në skenën globale të muzikës.

Burimet e besueshme të Telegrafi.com kanë bërë të ditur se Vildanja tashmë i ka bërë të gjitha përgatitjet për depërtim të suksesshëm në tregun amerikan të muzikës, dhe në mesin e bashkëpunimeve të para që ajo është duke i planifikuar janë edhe këngët që do t’i realizojë së bashku me emrat e njohur të muzikës botërore, sikurse 50 Cent dhe Soldier Boy.

Mirëpo të njëtat burime e kanë konfirmuar për Telegrafin se bukuroshja shqiptare nuk do ta lërë anash as skenën shqiptare, ku ajo gjithashtu pritet të bashkëpunojë me një reper të famshëm shqiptar për të realizuar një këngë e cila pritet të bëhet hit i ri në skenën tonë.

Zhanri i muzikës të cilin po e përpunon Vildanja është kombinim i muzikës pop, R’n’B dhe soul, ndërsa në këngët e saj pritet të ketë edhe rima të hip-hop. /Telegrafi/