Një tufë me dele në Britani të Madhe filluan të sillen mjaft çuditshëm, kur ato hëngrën disa qese marijuanë që dikush i kishte hedhur në një fushë në të cilën kafshët ishin duke kullotur.

Ngjarja ka ndodhur në një fermë në Surrey, në juglindje të Anglisë, ndërsa pronari ka vënë re sjelljen e pazakontë të deleve.

Policia me shaka ka deklaruar se do të paraqesë një kërkesë për delet për “drekën e paligjshme“, ndërsa kanë nisur një hetim për personat që kanë lënë lëndën narkotike në fushë, e cila kapte vlerën e 5 mijë eurove.

Gjetja e personave nuk do të jetë aspak e lehtë, sidomos për shkak se delet kanë ngrënë pothuajse të gjitha provat.

Pronari i tyre, Nellie Budd, tha se tani për tani nuk vërehet asnjë efekt për tu shqetësuar tek delet, por pas disa javësh ai do të kontrollojë mishin e tyre.