Dafina Zeqiri kohë më parë publikoi videoklipin “Ndjenjë Tjetër”, i cili edhe pse u prit mirë nga publiku, duket se nuk është pritur mirë nga dikush tjetër.
Në orët e hershme të mengjesit të së mërkurës Telegrafi ka vërejtur se nuk ekziston më videoklipi i Dafina Zeqirit në YouTube dhe se ai është bllokuar.
Në përshkrimin e bllokimit shkruan “Lavire Paguaj Borxhin”, që duket se ka të bëjë me ndonjë ish-bashkpuntor të Dafinës të cilët pretendojnë se këngëtarja u ka mbetur borxh dhe kështu kanë bërë ankesë në YouTube.
Dafina kaherë ka pasur probleme me publikuesit në kanalin e saj në YouTube. Së pari ajo ishte në menaxhim të Besfort Hasanajt në YouTube e më pas edhe producenti dhe ish-menaxheri i saj Cekic ishte ai që menaxhoi Dafinën në YouTube.
Linku i klipit “Ndjenjë tjetër” – https://www.youtube.com/watch?v=wJnnT1SGEsc&feature=youtu.be&pxtry=3
Dhe, ky problem i ri duket se buron nga e kaluara jo fort e mirë e Dafinës sa i përket publikuesve dhe transmetuesve të krijimtarisë së saj artistike. Tani ajo është nën ombrellën e OnAir FM.
Në faqet zyrtare të Dafinës nuk shkruan asgjë rreth këtij problemi, teksa edhe kontaktimi me të ka qenë i pamundur.
Fansat mund të jenë më të zhgënjyerit pas Dafinës për këngën e punuar nga Lurro dhe e realizuar në RedBox nga BigBangBeatz.
Videoklipi që thuhet se është inspirim nga një prej videove të Morcheebas është realizuar nga Max Production/Telegrafi/